Assamese Vutor Short Story | Story In Assamese Language

এইয়া চাওঁক মোৰ হাওঁফাওঁৰ মাজেৰে গুলি পাৰ হৈ গৈছে – এইবুলি তাই হাতেৰে বুকুত সুমুৱাই হাওঁফাওঁটো টানি উলিয়াই আনিলে । দেখিলো সেইটো এতিয়াও ঢিপ ঢিপ কৰি আছে । বুজি পালো মই এটা অভিশপ্ত ঘৰত আহি বন্দী হলোহি । মই মাত্ৰ চেকুৰিছো চিৰিখনৰ ফালে । অৱশেষত চিৰিখন পালোহি । তললৈ নামিবলৈ লৈ দেখো যে চিৰিখন তলৰ পৰা ক্ৰমান্বয়ে নোহোৱা হৈ আহিছে । পিছলৈ ঘুৰি চাই দেখিলো ৰিচেপচনিষ্ট গৰাকী আৰু বন্দুক লোৱা মানুহজন ক্ৰমান্বয়ে মোৰ ফালে আগুবাই আহি আছে । দুয়োৰে ভয়ংকৰ (কৃন্তক) দাঁতবোৰ বাহিৰলৈ ওলাই আহিছে । কোনো চিন্তা নকৰি চিৰিখনৰ ফালে জাপ মাৰি দিলো, তাৰ পাছত মোৰ একো মনত নাই । কাৰোবাৰ গুণগুণনি শুনি চকু মেলি চাই দেখিলো মোক আৱৰি মোৰ বন্ধু অৰূপ, তাৰ পৰিবাৰ, এজন তান্ত্ৰিক আদি কৰি প্ৰায় ১০ জনমান মানুহে উৎকন্ঠাৰে চাই আছে । গম পালো মই হেনো সম্পূৰ্ণ ২৪ ঘন্টাৰ পাছতহে জ্ঞান ঘুৰাই পাইছো । সকলোৱে মোৰ কি হৈছিল জানিব বিচাৰিলে । সকলো বিৱৰি কলো । তেওঁলোকে কলে অৰূপে হেনো মোক আনিবলৈ ৫.৩০ ৰ পৰা ৰৈ ৰৈ মই নহা দেখি গুচি আহিছিল । মোলৈ ফোন কৰি Switch Off পালে । অলপ বজাৰ সমাৰ কৰি ঘুৰি আহোতে হেনো ৰাতি প্ৰায় ১১ মান বাজিছিল । নিজৰ বাইক আছিল বাবে চিন্তা নাছিল । আহোতে কিছুমান মানুহৰ জুম দেখি সোমাই যাওতে মোক সেই অভিশপ্ত হোটেলখনৰ আগৰ ৰাস্তাত পৰি থকা দেখি ৰূমলৈ লৈ আনি তান্ত্ৰিকৰ হতুৱাই জৰা ফুকা কৰাই মোক ভাল কৰালে । সেই হোটেলখনত হেনো প্ৰায় এবছৰমান আগতে এটা ৰূম এহাল দম্পতীয়ে ভাৰালৈ লৈছিল এৰাতিৰ বাবে । কিন্তু কিবা কথাত দম্পতীহালৰ মাজত কাজিয়া হোৱাত স্বামীজনে পত্নীক তেওঁৰ পিষ্টলেৰে গুলিয়াই হত্যা কৰিলে । শব্দ শুনি ৰিচেপচনিষ্টকে আদি কৰি কাষৰ ভাৰাতীয়া সকলে তেওঁক বাধা দিবলৈ যাওঁতে তেওঁলোককো গুলিয়াই হত্যা কৰি অৱশেষত নিজেও মূৰত গুলিয়াই আত্মহত্যা কৰিলে । তেতিয়াৰ পৰাই সেই হোটেলখন বন্ধ হৈ আছিল । সেইফালে মানুহ দিনতে যাবলৈ ভয় কৰে । ৰাতি হ’লে হেনু তাৰ পৰা নাৰীকন্ঠৰ চিঞৰৰ লগতে বন্দুকৰ শব্দ শুনা যায় । কাৰোবাৰ দিন বাৰ বেয়া হ’লে হেনো এজন ৰিক্সাচালকে তালৈ ফুচুলাই আনি শেষত হত্যা কৰে । এতিয়ালৈ মুঠতে হেনো তিনি জনক হত্যা কৰা হৈছে । মোৰ ইষ্ট দেৱতা ভাল থকা বাবেহে হেনু ৰক্ষা পৰিলো । কথাবোৰ শুনি পুনৰ মোৰ মূৰ ঘুৰাবলৈ ধৰিলে । পুনৰ মই অজ্ঞান হৈ পৰিলো ।